क्षणभराचे आयुष्य
क्षणात सुखाच्या सरी बरसती क्षणात अश्रूधारा वाहती सुखदुःखाच्या खेळामध्ये आयुष्याचे डाव पलटती!
आयुष्याची होतेच माती
क्षणभराचे आयुष्य आपुले
घडीभराचा डाव
हार जीत ना येथे कसली
ईश्वर एकच तोचि राव!
क्षणात सुखाच्या सरी बरसती
क्षणात अश्रूधारा वाहती
सुखदुःखाच्या खेळामध्ये
आयुष्याचे डाव पलटती!
घेता येईल तेवढे घ्यावे
देता येईल तेवढे दयावे
एकमेका सहकार्योनी
परस्परांचे हात व्हावे!
आयुष्याचे गणित अवघड
सोडवतांना होते धडपड
सूत्र खरे समजुन त्याचे
आयुष्य आपुले सार्थ करावे!
क्षण निसटती आपोआप ते
घट्ट कितीही मुठी असू दे
ते न दास गुलाम कुणाचे
भूप आपण जरी वाटू दे!
घट्ट आवळोनी मूठ कितीही
आयुष्य ना ते थांबणारे
कवाडे केली बंद कितीही
अमर्त्य न ते थांबणारे!
जगावा क्षण अन क्षण इथला
नकोच स्पर्धा चढाओढ ती
ध्यानी फक्त असावे इतुके
आयुष्याची होतेच माती!
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
