गात रहा रे मना...

जगी सर्व सुखी असा कोण आहे वेड्या अरे मना तू हे जाणुनी च आहे कशाला हवा अट्टहास तो क्षणिक सुखासाठी जगून घे जरा सुख आहेच दुःखापाठी

Nov 29, 2025 - 14:32
Nov 23, 2025 - 12:25
 0  2
गात रहा रे मना...

गात रहा रे मना....

                 C)(R)...सौ..माधुरी अंकुश भामरे - दशपुते

जगी सर्व सुखी असा कोण आहे
वेड्या अरे मना तू हे जाणुनी च आहे
कशाला हवा अट्टहास तो क्षणिक सुखासाठी
जगून घे जरा सुख आहेच दुःखापाठी

चाहूल सुखाची लागतेच दुःखापाठी
नसावी चिंता उदया काय होईल याची
नित्य भास्कर कवेत घेऊनि येतो सुखे
आभार त्याचे करावयास आपलेच शब्द मुके

हिंदोळा सुखाचा उंच उंच जातो
गगनास भिडूनि तो गगनमिठी देतो
मनसोक्त झुलावे आपण या सुखाच्या हिंदोळ्यावर
खुलावे, डुलावे, गुणगुणावे बैसोनी त्यावर

नको व्यर्थ चिंता, नको भय उदयाचे
निखारे फुंकोनी दीप तेववावे सुखाचे
आनंदाने जगावे आयुष्य प्रत्येक एक क्षणा
गात रहा रे मना माझ्या गातच रहा ना
तू नित्य गात रहा रे मना, गातच रहा ना!!!!!!

What's Your Reaction?

Like Like 1
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 1